Мичид гялсхийн анивчих
тэнгэрийн орноос гарсан хайр
Хүрээд наддаа ирсэн ч гэлээ
хүнийх л байж дээ даанч
Хатуу ч гэлээ үнэн л байж дээ
Салхинд саатан эсгэрэх
хорвоод санасан жаргалаа би
Хайгаад хайгаад оллоо ч
гэлээ хожимдсон байлаа би
Дурлал байлаа, жаргал байлаа
Миний хайрын уянгалаг дуунуудын
Эгшиг яруу нь чи минь байлаа
Гунигтайхан ч гээд зүүдэндээ би хайртай
Хичнээн хол ч гээд чамдаа би хайртай
Гандан жаргах хорвоод
хайраар дутаж үзээгүй ч
Хангал зүрхэндээ чамтайгаа
хүсээд л байх юмдаа
Дурласан ч юмуу, хайрласан ч юмуу
Алслан холдох амьдралд
хугацаа богинохон ирсэн ч би
Хайрлаж энхрийлэх сэтгэл
минь харин мөнх гэгээтэй
Халуун хайр минь, холын хайрт минь
Миний хайрын уянгалаг дуунуудын
Эгшиг яруу нь чи минь байлаа
Гунигтайхан ч гээд зүүдэндээ би хайртай
Хичнээн хол ч гээд чамдаа би хайртай
Миний хайрын уянгалаг дуунуудын
Эгшиг яруу нь чи минь байлаа
Гунигтайхан ч гээд зүүдэндээ би хайртай
Хичнээн хол ч гээд чамдаа би хайртай
No comments:
Post a Comment